Araba Market +8 txekeak 12 euros kostatzen zaizu, eta 20 euroko erosketak dituzu

ARABA MARKET +8 TXEKEEN PROGRAMA
Araba landatarrean kontsumo arduratsua sustatzeko ekimen solidarioa.

zertarako?

Arabako herrien bizitzan funtsezkoa den sektore bati laguntzeko.

Horren bidez, Arabako landa-eremuko 5.000 biztanletik beherako herriguneen negozioak lagundu eta ikusarazi nahi dira. Sektore horri, pandemiaren ondorioek ez ezik, merkatu-ekonomiaren egungo dinamikak ere eragiten dio, landa-ingurunearen despopulazioan eragiten baitu. Negozio txiki horiek funtsezkoak dira biztanleen bizi-kalitaterako eta Arabako landa-inguruneko herri askoren existentziarako.

Nork sustatzen du?

Arabako Foru Aldundiak sustatutako ekimena da.

Araba Market plataforma sustatzeko kanpainan sartu da. Kanpaina hori Foru Aldundiko Erronka Demografikoaren Zuzendaritzak sortu du, Arabako Kuadrillen laguntzarekin.

Zertan laguntzen didate?

% 40ko deskontu-txekeak dira, eta + 8 Araba Market txeke-programari atxikitako negozioetako erosketetan erabil ditzakezu.

Eskuratu txeke bat 12 €-tan eta 20 € edukiko dituzu erosketetarako.

Aurrezpen garrantzitsu horretaz gain, askoz gehiago opariko diozu zeure buruari, Arabako landa-inguruneko produktuen eta zerbitzuen kalitate bikainaz prezio onean goza baitezakezu.

Zenbat + 8 txeke eros ditzaket?

18 urtetik gorako pertsona bakoitzak 10 txeke +8 eros ditzake gehienez, bere NAN zenbakiari lotuta.

Deskontu txeke bakoitza 12 € kostako zaizu eta 20 € edukiko dituzu erosketetarako.

Araban bizi ez banaiz, eros ditzaket + 8 txekeak?

Bai, 18 urtetik gorako pertsona guztiek eros ditzakete, non bizi diren inporta gabe.

Familia-unitate bereko pertsonek ere eros ditzakete deskontu-txeke horiek. + 8 txeke kopurua erosteko pertsona bakoitzeko muga NAN zenbaki bakoitzari lotuta dago. Horregatik, beharrezkoa da datu hori online salmenta izapidetzen duen plataforma digitalean ematea.

Non eros daitezke + 8 Araba Market txekeak?

Online eros daitezke, 2023eko ekainaren 15etik aurrera.

Oso erraza da + 8 Araba Market txekeak erostea.

Online erosketa.
Sartu esteka honetan eta jarraitu adierazten dizkizuten urratsei. Kreditu- eta/edo zordunketa-txartelaren bidez ordaindu beharko duzu.

NON TRUKATU DITZAKET ARABAKO +8 TXEKEAK?

+ 8 Araba Market txeke-programari atxikita dauden negozioen zerrenda esteka honetan kontsulta dezakezu.

Noiztik eros eta erabil ditzaket + 8 txekeak, eta noiz iraungiko dira?

+8 txekeen salmentaren hasiera: 2023eko ekainaren 15etik, txekeak amaitu arte.

Azken eguna:
+ 8 txekeak erosteko: 2023eko abenduaren 30a.
+8 txekeak erabiltzeko: 2023eko abenduaren 30a.

Egin dezaket 20 €-tik beherako erosketarik + 8 txeke batekin?

Ez, deskontu-txartelarekin egin beharreko erosketek 20 €-koak edo hortik gorakoak izan behar dute. Erosketan eta/edo kontsumizioan erabat agortzeko moduan.

36 €-ko erosketa bat egiten badut, ordain dezaket 2 + 8 txartelekin, gainerakoa eskudirutan itzulita?

Ez, + 8 txekeekin egindako erosketek 20 €-koak edo hortik gorakoak izan behar dute. Hona hemen galdera horren erantzuna: 36 €-ko erosketa ordaintzeko, 20 € + 8 txekearekin ordainduko zenituzke (12 € kostatu zaizunarekin), eta gainerako 16 euroak jarri beharko zenituzke.

+ 8 txekeak gastatzen ez baditut, dirua itzuliko didate?

Atzera egiteko eskubidea baliatzeko eskubidea duzu, +8 txekeak erosten direnetik 14 egun naturaleko epean. Epe hori igarota, ez da itzulketarik onartuko.